MKAZI WA MBINGA RUVUMA AUAWA IRINGA KWA UJAMBAZI

 Kamanda wa Polisi wa Mkoa wa Iringa Bw. Michael Kamuhanda.

  Ofisi za Polisi mkoa wa Iringa

Na Joseph Mwambije,

Iringa

MTU mmoja   anayedhaniwa kuwa jambazi Mkazi wa Mbinga Mkoani Ruvuma    akiwa na jambazi Mwenzake ameuawa na wananchi  wakati  wakitaka kumnyang’anya shilingi milioni tatu Mfanyabiashara aitwaye Kavenga Paul Mfanyabiashara wa Ipogoro Wilayani Iringa.

Akizungumza na Mwandishi wa habari hizi aliyekuwa Mkoani humo Kamanda wa Polisi wa Mkoa wa Iringa Bw. Michael Kamuhanda alisema tukio hilo lilitokea Agost 10 saa 3.00 usiku maeneo ya Ipogoro Mkoani Iringa.

Amemtaja  mtu aliyeuawa kwa tuhuma za ujambazi kuwa ni  Michael Mhonyo ambapo baada ya kupekuliwa alikutwa na kiatmbulisho cha kupigia kura kinachomtambulisha kuwa ni Mkazi wa Mbinga Mkoani Ruvuma.

Kamanda huyo wa Polisi anafafanua kuwa katika tukio hilo Bw. Kavenga Paul na Mkewe Rehema Kavenga  wakiwa katika maeneo ya Ipogoro baada ya kufunga duka  walivamiwa nna majambazi wawili mmoja akiwa na bastola.

‘Katika tukio hilo majambazi hao walifyatua risasi nne hewani na kati ya hizo moja ilimjeruhui Bi. Rehema kwenye kisigino cha mguu wa kulia na amelazwa katika Hosptali ya Mkoa wa Iringa na afya yake inaendelea vizuri’alisema Kamanda huyo na kuongeza kuwa

Baada ya Wananchi kusikia  milio ya risasi walitoka na kuwazingira majambazi hao na kumuua mmoja na mwingine mwenye  bastola alikimbia na jina lake halikupatikana na uchunguzi wa Polisi bado naendelea’alisema.

Alitoa wito kwa wananchi kutotembea na pesa na badala yake kuweka fedha Benki na kwamba wawe waangalifu wanapotembea na pesa pia wanapokuwa na pesa nyingi kuomba ulinzi wa jeshi la Polisi na Taasisi zaa Ulinzi.

Mwisho

Makao Makuu ya Polisi Mkoawa Iringa.