MAELEZO YA PICHA
Na.2
Wa
pili kushoto ni ni Mkuu wa Chuo cha VETA Songea Bw. Gideon Ole Lairumbe
na wa tatu(kushoto) ni Mkuu wa Wilaya Namtumbo Bw. Saveli Maketa kwenye
moja ya mahafli ya Chuo hicho.Wengine ni viongozi wa Veta.
Na 3
Mkuu wa Chuo hicho Bw. Lairumbe
Picha Na 5
Wanachuo wakipita kwenye viunga vya Chuo hicho.
Na.6
Mkuu wa Wilaya ya
Namtumbo
Bw.Maketa wa (kwanza kushoto) akikagua majengo ya Chuo hicho kwenye moja ya mahafali ya Chuo hicho.
Picha zote na Joseph Mwambije,Songea
ILI
KUKABILIANA NA USHINDANI WA SOKO AFRIKA MASHARIKI VETA SONGEA YAJIZATITI
KUTOA MAFUNZO YENYE UBORA
Na Joseph Mwambije, Songea.
Katika kpindi hiki cha kuelekea ushindani wa wa Soko la Afrika mshariki kielimu na ajira
Vyuo vya Ufundi stadi vina dhamana kubwa katika kuhakikisha vijana wa Kitanzania wanapata elimu ya ufundi
uliobobea ili waweze kujitegemea.
Lakini pia Serikali inapaswa kuhakikisha kuwa ufundi stadi kwa vijana unatumika ipasavyo tofauti na
ilivyo sasa ambapo fenicha nyingi maofisini zinatumika za kutoka nje ya Nchi
hasa za China ambazo ubora wake ni mdogo
ukilinganisha zinazotengenezwa na Mafundi wa hapa Nchini.
Ni jambo lisilopingika kwamba Fenicha zinazotumika kwenye
Ofisi za Serikali ni zile za kutoka Nchini China ambazo zinadumu kwa mwaka
mmoja na zingine hata mwaka hazimalizi hivyo inakuwa mzigo kwa Serikali kununua
fenicha mpya kila mwaka na kuwanyima ajira vijana wa Kitanzania waliojiajiri
kwa ufundi ambao wanatengeneza bidhaa zenye ubora kuliko zile za Wachina.
Miongoni mwa Vyuo vilivyojizatiti kutoa elimu bora ni Chuo cha ufundi Stadi(VETA) Songea ambacho kipo kilometa tatu toka katikati ya mji wa
Songea eneo la Msamala barabara ya
Songea Njombe.
Imedhihirika hapa
Mjini Songea Mafundi waliosomea kwenye Chuo hiki wakitengeneza bidhaa bora za
uhakika lakini wameshindwa kuendelezwa na kutumika kupitia bidhaa zao.
Chuo hicho
kilianzishwa mwaka 1984 wakati huo kikiwa chini ya idara ya mafunzo na
majaribio ya Ufundi (NVTD) chini ya wizara ya kazi na maendeleo ya vijana ambapo
kilianzishwa kikiwa na fani tatu za ufundi ambazo ni ufundi wa
magari,ufundi uashi na ufundi wa bomba.
Kwa mujibu wa mkuu wa chuo hicho Bw. Gideon Ole Lairumbe anasema
madhumuni ya mafunzo wanayotoa ni kutoa wahitimu wenye ubora wa hali ya juu wa
ufundi ambao utawawezesha kuajiriwa au kujiajiri wenyewe katika fani mbalimbali ikiwemo kozi ndefu (CBET)Ushonaji
nguo,ambao mwanafunzi katika kozi hii hujifunza jinsi ya kushona nguo
mbalimbali kama vile suruali,mashati,magauni,suti,mapazia,nguo za arusi na
nyinginezo.
Upande wa kozi ya
umeme anasema wanajifunza jinsi ya kutandaza nyaya za umeme kwenye majumba
,kurekebisha vyombo vinavyotumia umeme kama pasi,birika na majiko,pia kozi ya useremala ambayo wanafunzi
wanajifunza kutengeneza kazi za samani za ndani na nje na upauaji wa nyumba
ambapo anasema kuwa sehemu kubwa ya wanafunzi ambao wanamaliza fani hiyo
hujiajiri wenyewe ambapo ajira hupatikana katika taasisi mbalimbali.
Anazitaja kozi
nyingine kuwa ni ya uungaji vyuma ambayo
mwanafunzi hujifunza jinsi ya kuunga vyuma vizito na vyepesi kwa kutumia
gesi,umeme na kutengeneza vitu kama majiko ,milango ya chuma ,grill za milango
au madirisha na mabodi ya gari.
Kozi nyingine ni ufundi uashi ambayo hujifunza jinsi ya kujenga
kwa kutumia matofali imara ,pia wanajifunza jinsi ya kusoma ramani za majengo
,kutengeneza tofali ,kupima majengo,sakafu za aina mbalimbali na ukadiriaji wa
gharama za ujenzi.
‘Pamoja na kozi ndefu pia Chuo kinaendesha kozi za muda
mfupi ambazo ni za udereva wa pikipiki na wa magari madogo na
makubwa,Saloon,utengenezaji wa kompyuta,Uhazili na ufundi wa umeme jua ambapo
zinaendeshwa kwa wiki mbili hadi miezi mitatu’alisema
Alifafanua kuwa kozi hi huenda sambamba na uanzishaji wa
kozi ya udereva wa pikipiki na magari madogo katika wilaya za Mkoa wa Ruvuma na
vijijini na kwamba tayari wameanzisha kozi hizo Tunduru na Mbinga na pia
Wilayani Njombe ambako mafunzo
yalifanyika.
Upande wa vijiji ambako wameendesha mafunzo kwa kushirikiana
na Serikali ya Kata ni ni katika kijiji cha Bonde la Hagati, na Mikaranga
wilayani Mbinga,Peramiho,Kambarage,Magagula na Kizuka katika Wilaya ya Songea vijijini na kwamba
wana mpasngo wa kuendesha mafunzo katika
vijiji vya Namtumbo na Mkoa mpya wa Njombe
Bw. Lairumbe anafafanua
zaidi kuwa kozi nyingine ambazo zinatolewa chuoni hapo kuwa ni kozi ya ufundi
magari ,umeme wa magari na uhazili (Computer and Secretarial Service) pamoja na
masomo ya ziada.
Mkuu huyo wa Chuo anasema Chuo hicho kimepitia mabadiliko
makubwa baada ya kujenga majengo mapya na kuachana na ya zamani na kwamba hivi sasa kina hadhi
kubwa kikiwa kimepania kuinua na kubadilisha maisha ya Wananchi wa Songea na
Tanzania kwa ujumla.
Anasema kuwa mafunzo yanayotolewa Chuoni hapo yanalenga
kumfanya mtu aweze kuajiriwa au
kujiajiri mwenye pasipo kuhangaika na kutoa huduma kwa jamii huku akijipatia kipato na
kuondokana na umaskini na kwamba mafunzo hayo yanachukua miaka miwili katika
hatua ya kwanza na mwaka mmoja katika hatua ya pili.
‘Chuo hiki kina uwezo
wa kupokea wanafunzi 470 kwa mwaka na sasa kwa kushirikiana na Chuo cha walimu
wa Veta Morogoro tunaendesha mafunzo ya ualimu wa ufundi ngazi ya cheti’alisema
Mkuu huyo wa Chuo .
Anabainisha kuwa katika mwaka wa masomo wa 2011 walimu 30
walihitimu masomo hayo kwa ngazi ya cheti cha ualimu wa ufundi stadi na kupata
sifa za kufundisha kwenye vyuo vya ufundi.
Akielezea mafanikio ambayo wameyapata tangu kuanzishwa kwa
chuo hicho mkoani hapa Mkuu huyo wa Chuo
anasema chuo kimeweza kutoa huduma za kijamii ikiwa ni sehemu ya mafunzo,lakini
pia wanafunzi kujitangaza jinsi wanavyoweza kutoa huduma ya viwango gani kwa
mfano utengenezaji wa samani za chuo cha ualimu Matogoro,madawati ya halmashauri
za wilaya ya Songea,Manispaa ya Songa na Namtumbo,ujenzi wa ofisi ya usalama wa
Taifa Mkoa pamoja na uzio wake ambapo anasema kuwa hizo ni baadhi ya huduma zao
zikiwemo za mafunzo ya ujasiriamali kwa wastaafu wa JWTZ na wadau mbalimbali
,Kompyuta na udereva.
Katika
hatua nyingine Chuo hicho kimechangia kupunguza ajali za barabarani kama
kundesha mafunzo ya udereva wa magari na pikipiki kwa kuendesha kozi fupi kuanzia mwaka jana baada ya
Serikali kutangaza kubadli leseni za madereva na kuzifanya ziwe za
kisasa zaidi na lengo likiwa kuwafikia madereva 3000 ambapo kwa mwaka jana hadi
sasa zaidi ya madereva 500 walipatiwa mafunzo hayo wa Mkoa wa Ruvuma .
Kutokana
na hilo kwa nyakati tofauti Mkuu wa Mkoa wa Ruvuma Bw. Said Mwambungu na
Kamanda wa Polisi wa Mkoa wa Ruvuma Bw. Michael Kamuhanda wamempongeza Mkuu wa
Chuo hicho kwa kupunguza wimbi la ajali kwa kuendesha mafunzo hayo ambapo
viongozi hao kwa nyakati tofauti walieleza kuwa kutokana na mafunzo hayo ajali
zimepungua na kuwaasa wamiliki wa magari kutoa kipaumbele kwa kuwaajiri
madereva waliosomea VETA.
Vilevile
anasema pamoja na kuendesha mafunzo ya muda mrefu na mfupi Chuo hicho kinatoa
huduma za kijamii kwa lengo la kjenga mahusiano mazuri na wananchi
wanaokizunguka Chuo hicho na kwamba huduma hizo ni sehemu ya mafunzo kwa
vijana.
Hata hivyo anasema penye mafanikio hapakosi changamoto
ambapo mkuu huyo wa chuo anazitaja
changamoto ambazo zinawakabili kuwa ni mwamko mdogo miongoni mwa jamii
ya Mkoa wa Ruvuma katika mafunzo ya ufundi stadi,mtazamo hasi wa jamii kwamba vijana wanaokwenda kusoma VETA ni wale
walioshindwa kuendelea na elimu ya juu ukosefu wa mabweni kwa wanafunzi wa
wilaya za mbali kama vile Mbinga,Tunduru na Namtumbo .
Asema kuwa sambamba
na ukosefu wa pesa kwa ajili ya kuendeleza majengo ya madarasa ili kukidhi
mafunzo hadi hatua za tatu na zaidi na ukosefu wa viwanda ambavyo vitatumika
katika kuwajengea wanafunzi wao umahiri zaidi na kupata ajira baada ya kuhitimu
na Wanafunzi kukosa sehemu ya kufanyia mazoezi ya vitendo.
Anasema kuwa wana malengo ya kujenga mabweni mapya,kuanzisha
kozi mpya za Food production na front office operation,ujenzi wa ukumbi wa
mikutano,ujenzi wa nyumba za wafanyakazi,utengenezaji wa viwanja vya michezo na
kuongeza madarasa.
Hata hivyo ametoa wito kwa jamii kuona umuhimu wa kukitumia
chuo hicho cha Mkoa katika huduma mbalimbali zinazopatikana hapa pia kuwapeleka
watoto wao chuoni hapo ili waweze kupata mafunzo yatakayo waondolea tatizo la
kukaa vijiweni kwa kukosa ajira.
MWISHO.
No comments:
Post a Comment