WADAU WA ELIMU RUVUMA WAILALAMIKI SERIKALI KWA KUANZISHA SHULE KISIASA

WADAU WA ELIMU RUVUMA WAILALAMIKI SERIKALI KWA KUANZISHA SHULE KISIASA

Joseph Mwambije

Songea

WADAU wa elimu katika Mkoa wa Ruvuma wameitaka Serikali kuacha tabia ya kuanzisha Shule kisiasa bila kuzingatia mambo ya msingi na hivyo kukosa sifa na kusababisha kiwango cha elimu kuporomoka na kwamba hiyo ni hatari  katika ushindani wa Sokola ajira Afrika mashariki pindi vijana wa Kitanzania watakaposhindana na wenzao wa uknda huo kusaka  ajira.

Wadau hao wa elimu waliilalamikia Serikali kwa kitendo hicho cha kuanzisha Shule kisiasa kwenye Warsha ya siku mbili iliyofanyika kwenye ukumbi wa Chama cha walimu  Mkoa wa Ruvuma na kuitaka Serikali kushirikisha watalaamu wa elimu inapoanzisha Shule  na si kuanzisha kwa mashinikizo ya Wanasiasa.

Akizungumza kwenye warsha hiyo Mwalimu kutoka  Wilaya ya Mbinga ,Mwalimu  Samwa Muhaiki alisema Shule nyingi  za Sekondari za Kata zimejengwa kisiasa ambapo hazina maabala na vifaa vyake na walimu wa kutosha hali inayotishia  kuzalisha wasomi wa baadaye wasio  kuwa na uwezo katika utendaji.

Mwalimu huyo aliitka Serikali kushirikisha Watalaamu kabla ya kuamua kuanzisha Shule ili watoe mawazo yao na vigezo vya msingi vinavyotkiwa katika kuanzisha Shule na pia kupatikana kwa walimu wa kutosha,majengo ya kutosha na ya kisasa na vifaa vya maabala ili Nchi iweze kutoa watalaamu wenye uwezo wa kushindana kwenye soka la ajira la  Afrika mashariki.

Akichangia hoja  kwenye warsha hiyo mwalimu mstaafu wa Wilaya ya Songea, Mwalimu Antonia Kapinga alisema Shule nyingi za vijijini hazina nyumba za kuishi walimu hivyo walimu wanatembea umbali mrefu kwenda kwenye vituo vyao vya kazi na kwamba tatizo jingine linalowakwaza walimu katika kazi yao ni ushirikiano mdogo kati ya walimu na wazazi wa wanafunzi.

‘Upatikanaji wa elimu umekuwa ukibagua jinsia ya motto ambapo watoto wa  kiume wamekuwa wakipewa kiupaumbele na hilo linajionyesha katika Sherehe nyingi ambapo wanafunzi wa kike wamekuwa wakipangwa kwenda kunengua na kukosa muda wa kujisomea,pia Shule nyingi hazina majengo ya faragha ya kuzungumza na wanafunzi wa kike’alisema mchangiaji Anna Tembo ambaye pia ni Mwenyekiti wa Mtandao wa Polisi wanawake Mkoa wa Ruvuma.

Kwa upande wake Mratibu wa elimu wa Kata ya Lilambo katika Manispaa ya Songea Mkoani humo Dunstan Mshanga alisema Shule nyingi zimesahaulika na zinachukua hadi miaka 10 bila kutembelewa na wakaguzi  wa elimu kwa malengo ya kutambua matatizo yayozikabili ili kuweza kuyashughulikia hali inayochangia kiwango cha elimu kushuka.

Akifungua warsha hiyo iliyowashilikisha wadau wa elimu 30 wa Mkoaa huo Mwenyekiti wa Chama cha walimu(Cwt) Mkoa wa Ruvuma Kastor Ngonyani alisema kwa kuwa elimu niufunguo wa maisha na taa ya maisha Cha cha walimu kitahakikisha elimu inatolewa katika mazingira ya haki,usawa na amani na kuzingatia ubora wa mazingira ya kujifunzia na kufundishia kwa maana ya miundombinu ya majengo na samani.

MWISHO