DIWANI WA KATA YA NDILIMALITEMBO SONGEA ACHAGULIWA KUWA NAIBU MEYA

 Bw. Willon Kapinga

DIWANI wa Kata ya Ndilimalitembo Bw. Wilon Kapinga ameshinda na kuchaguliwa kuwa Naibu Meya wa Halmashauri  ya Manispaa ya Songea Mkoani Ruvuma na kuahidi kushirikiana na Meya na madiwani kuleta maendeleo katika Halmashauri hiyo.

Awali katika uchaguzi wa ndani ya Chama chake cha CCM alishinda kwa kupata kura 11 dhidi ya kura  nane alizopata Mpinzani wake Bw. Yobo Mapunda diwani wa kata ya Ndilimalitembo baada ya hapo alipitishwa na Chama chake kushindana na diwani wa Chadema.

Katika uchaguzi wa jumla Bw. Kapinga alishinda  kwa   kura  19  na kumshinda diwani wa Kata ya Mango(CHADEMA)Bw. Idd Ibrahim aliyeambulia kura nane.

Kwa matokea hayo msimamizi wa uchaguzi huo Mkurugenzi wa Manispaa ya Songea Bw. Zakariah Nachoa alimtangaza Bw. Kapinga kuwa Naibu Meya mpya kwa kipindi cha mwaka mmoja kuchukua nafasi ya aliyekuwa Naibu Meya Bi. Mariam Dizumba(CCM) ambaye hakugombea.

‘Najisikia furaha kubwa kushinda nafasi hii  na kwa imani ambayo Madiwani wezangu wamenionyesha na kwa imani hii nitashirikiana na Maadiwani wenzangu kuleta maendeleo kwenye Manispaa yetu’alisema.

Aliwataka wananchi wa Manispaa hiyo kutambua kuwa  Halmashuri hiyo ni yao na kutoa ushirikiano kwa madiwani  katika kuleta maendeleo kwenye maeneo yao kwa kuwa ustawi wa Halmashauri unategemea Madiwani,Watalaamu(Watendaji) na Wananchi.

MWISHO