Waziri wa mambo ya ndani Dkt Emanuel Nchimbi(wa kwanza kulia) akiimba
wimbo wa CCM yajenga Nchi na Mkuu wa Wilaya ya Songea Bw. Joseph
Mkilikiti na Meyawa Manispaa ya Songea Bw. Charles Mhagama kwenye mkutano Mkuu wa CCM wilaya ya Songea.
WAZIRI wa mambo ya ndani ya Nchi na Mbunge wa Jimbo la Songea Mjini Dkt Emma nuel Nchimbi amesema
kuwa Chama chake cha CCM bado kina nguvu na kwamba CHADEMA imeanza kuporomoka
kwa kasi ile ile iliyopanda nayo.
Alitoa kauli hiyo juzi kwenye ukumbi wa Songea Club mjini
Songea Mkoani Ruvuma wakati akizungumza kwenye Mkutano Mkuu wa CCM Wilaya ya
Songea uliohudhuriwa na Wajumbe wa
mkutano huo zaidi ya 900.
‘Ndugu zangu wajumbe wa mkutano huu CCM ipo na bado ina
nguvu na hii inajionyesha kuwa Wapinzani
wanazidi kujiumbua na kuporomoka kwa kasi waliyopanda nayo’alisema Waziri huyo
bila kufafafanua kauli hiyo.
Alisema kuwa Wabunge wengine hawaendi majimboni mwao na kazi
yao ni kutoa
miongozo bungeni wakati hawapeleki maendeleo jimboni mwao huku wengine wakiwa
wametoa miongozo 14 Bungeni kwa kipindi hiki kifupi.
Mbunge huyo wa Jimbo la Songea mjini aliwapongeza Viongozi
wa Chama hicho wapya waliochaguliwa toka kwenye Kata na Matawi yake na kuwataka
kutambua kuwa viongozi bora hawatangulizi maslahi yao binafsi.
Katika hatua nyingine Mbunge huyo alitoa gari la kubeba
wagonjwa lenye thamani ya shilimgi milioni 32 ili liweze kuwasaidia wagonjwa
kufikishwa Hospitalini hatua ambayo ilipongezwa na wananchi wa jimbo la Songea
Mjini.
Waziri huyo aliitumia
nafasi hiyo kumpongeza aliyekuwa Mkuu wa Wilaya Songea Bw. Thomas Sabaya kwa
ubabe wake kwa manufaa ya wananchi wa wilaya hiyo na kumtakia kila la heri Mkuu huyo wa wilaya.
Aidha alipokea taarifa ya utekelezaji wa Ilani ya CCM kwa kipindi cha Januari hadi juni mwaka 2012
toka kwa Mkuu wa Wilaya ya Songea Bw. Joseph
Mkilikiti.
Mwisho
No comments:
Post a Comment