MGOGORO MKUBWA WAIBUKA SHDEPHA+ SONGEA BAADA YA SHILINGI MILIONI 37 ZA WADHILI KUTAFUNWA

Mkurugenzi wa SDHEPHA Taifa Bw. Joseph Katto na Mwenyekiti wake  Bi. Oliver Katto ambao walikuja Songea kutokana na  mgogoro uliojitokeza uliotokana na kutafunwa kwa fedha hizo.

UMEIBUKA mgogoro mkubwa katika  Chama cha watu wanaoishi na virusi vya ukimwi(SHDEPHA+) katika Wilaya ya Songea Mkoani  Ruvuma ambapo chama hicho  kimekuwa na Wenyeviti wawili na Account zake zimefungwa  kutokana na ubadhirifu wa shilingi milioni 37 uliofanywa na Viongozi walioondolewa ambao bado wanang’anga’nia madaraka.

Kufuatia mgogoro huo hivi karibuni Mkurugenzi wa  SHDEPHA+  Taifa Bw. Joseph Katto na Mwenyekiti wake wa Taifa Bi. Oliver Mahenge walikuja  mjini Songea kusuluhisha mgogoro huo mjini hapa hatua iliyoendana na kufunga Akaunti na kuzuia fedha toka kwa Wafadhili wao ambao ni  Shirika la Walter Reed.

Mkurugenzi huyo wa Shirika hilo alisema kuwa hawawezi kufuga ufisadi watafanya uchunguzi na wote waliotafuna fedha hizo watachukuliwa hatua za kisheria na kwamba wanaumizwa na Mitandao ya Mashirika yasiyokuwa ya kiserikali kuwainglia kwenye  shughuli zao.

Alisema kuwa baada ya kubaini kuwa kuna ubadhilifu wa shilingi milioni 37   walifanya uchaguzi na kuweka Uongozi mpya ambapo Bi. Imelda Fusi alichaguliwa kuwa Mwenyekiti na kuuondoa uongozi uliokuwepo uliokuwa ukiongozwa na aliyekuwa Mwenyekiti Bw. Benard Mapunda.

Katika uongozi mpya uliochaguliwa Bw. Pilimini Chanai alichaguliwa kuwa  Makamu Mwenyekiti na Wajumbe 11 wa Kamati ya Utendaji ili kukiweka Chama hicho kwenye mstari.

Alisema kuwa baada ya kufaya uchaguzi na Bw. Benard kushindwa alienda kufunga Ofisi  na kudai kuwa uchaguzi haukuwa halali  na haukufuata taratibu na bada ya  kufunga Ofisi walishindwa kufaya shughuli zao na kulazimika kuzifanyia Hotelini katika Hoteli Safina  walikofikia.

Kwa upande wake Bw. Benard Mapunda alipoulizwa kuhusiana na mgogoro huo na  yeye kuondolewa Uongozini alisema madai hayo si ya kweli bali fedha hizo zimefanya kazi iliyopangwa ya kuhudumia watoto yatima na wanaoishi katika mazingira magumu,kulipa posho watu wanaofaya kazi za kujitolea.

‘Awamu ya kwanza tulipewa shilingi milioni 17 na awamu ya pili tukapewa milioni 20 kama kuna ubadhilifu tusingepewa  fedha nyingine  za awamu ya pili na kuhusu kufunga Ofisi  si kweli isipokuwa  tulikuwa kwenye kazi nyingine za nje’alisema.

Anasema kuwa yeye bado Kiongozi wa Chama hicho kwa kuwa Uchaguzi uliofanyika haukufuata  Katiba ya SHDEPHA  na hivyo wanafanya taratibu za kisheria ili waweze kumfikisha Mahakamani Mratibu wa Chama hicho wa Mkoa wa Ruvuma Bi. Stella Komba kwa kufunga Akaunti yao.

Alisema kuwa kufunga Akaunti hizo kunawaumiza watoto yatima na wanaoishi katika mazingira magumu 642 wanaowahudumia,wanafunzi wa Shule za msingi 557 kwa sare za shule,viatu na daftari,Wanafunzi 10 wanaowasomesha VETA  na wagonjwa 720 wa kimwi wanaowahudumia katika Kata 10 za Manispaa ya Songea.

Kuhusu ndoo zilizotakiwa kugawiwa kwa Wagonjwa wa ukimwi zinazodaiwa kutumiwa kwa manufaa yao binafsi anasema walipata ndoo 720 toka kwa Wafadhili na kati ya hizo 164 zilipotea shauri liko Polisi.

Alisema kuwa Chama hicho kina Wafanyakazi  tisa wakiwemo Wakuu wa Vitengo wanne,Meneja,Mhasibu,Mratibu,Afisa Tathmini,Katibu Muhtasi,Wafanyakazi 57 wa kuhudumia wagonjwa kwa  kujitolea ambao wanawalipa shilingi 20000 kwa mwezi na Watoa elimu ya kimwi 15.

Kwa upande wake Mratibu wa SHDEPHA Mkoa wa Ruvuma Bi Stella Komba anasema uchaguzi uliofanyika ni halali na  kutokana na ubadhilifu wa fedha na kunga’ngania madaraka ilhali wmeondolewa madarakani wakaamua kuifunga Akaunti.

‘Kutokana na kunga’ngania madaraka tumeona  tuwaachie Ofisi sisi tubaki na Akaunti na sisi tutafanya kazi hata kwenye mti lakini tunatafuta vielelezo vinavyooyesha Bw. Mapunda alikuwa akighushi sahihi ya Mwenyekiti wa mwazo ili tukabidhiwe Ofisi kwa Polisi wamesema tukipeleka vielelezo watatukabidhi Ofisi’alisema.

Alisisitiza kuwa Bw. Mapunda amekuwa na matatizo kwenye Uongozi wake na  ndio  maana  walipofika Viongozi wa Kitaifa hakwenda kuwapokea na kuzifunga Ofisi

Mwsho

 Mweyekiti al;iyeng'olewa Bw. Benard Mapunda akionyesha Maboksi ya Kondomu ambazo wanazigawa kwa ajili ya kujikinga na ukimwi.

 Hapa yupo Ofisini kwake,Oifisi ambayo inatakiwa aiachie

 Meneja wa Mradi wa Shdepha Songea Bi. Elizabeth Kisuka akizungumza na Mtandao huu na Mhasibu wake Bw. Patrick Paul.

 Mratibu wa SHDEPHA Mkoa wa Ruvuma Bi. Stella  komba akizungumza na Mtandao huu kuhusu mgogoro huo.

 Bw. Mapunda akionyesha picha za watoto yatima na wenye mazingira magumu wanaowahudumia

 Hapa akionyesha sehemu ya ndoo 720 ambazo zinalalamikiwa kuuzwa mitaani badala ya kugawiwa kwa walengwa ambao ni wagonjwa wa ukimwi.

Akionyesha kondomu zinazotolewa kwa ajili ya kujikinga na ukimwi.