WAKULIMA RUVUMA WAPATA HASARA YA SHILINGI MILIONI 300 KWA KUTUMIA MBOLEA ISIYOKUWA NA VIWANGO

Na Joseph Mwambije,

Songea

BAADHI ya wakulima Mkoani Ruvuma wamepata hasara ya shilingi milioni 300 katika misimu ya kilimo ya 2009/2010 na 2011/2012  kutokana na kutumia mbolea isiyo na viwango na hivyo na wengine wameshindwa kusomesha na kufanya mambo mengine ya maendeleo.

Hayo yalibainika juzi wakati wa Ziara ya Mkurugenzi wa Mamlaka ya kudhibiti ubora wa molea  Tanzania Dkt Suzane Ikera kukagua Magahala ya kuhifadhi mbolea na Vituo vya kuuzia mbolea kwa mawakala kuona jinsi inavyohifadhiwa na ubora wake na kujione athari walizozipata wakulima kutokana na kutumia mbolea isiyokuwa na viwango.

Akizungumza wakati wa ukaguzi huo wa mbolea,Mkurugenzi wa Mamlaka hiyo Mwenyekiti wa Chama cha msingi cha ushirika  cha Chandamali Bw. Merius Ponera alisema wakulima wake vijijini wamepta hasara kubwa kutokana na kutumia mbolea isiyokuwa na viwango na hivyo wameshindwa kusomesha,kujenga kugharamia matibabu na kulipa madeni.

Mwenyekiti huyo alibainisha kuwa katika misimu miwili ya kilimo wakulima hao walipatiwa mbolea toka Kampuni ya YARA ya Nchini Norway ambayo ilipimwa na Shirika la viwango Nchini na kubainika kuwa haina viwngo na hakuna hatua zozote zilizochukuliw kwa Kampuni hiyo.

Alisema wakulima waliokopa kwenye chama chake walishindwa kurejesha mikopo yao kutokana na kupata hasara kwenye mazao yao na hivyo  chama chake kwa ujumla kilipata hasara kubwa kutokana mikopo kiliyotoa kushindwa kurejeshwa.

Kimsingi tunatakiwa tulipwe faini kwa hasara tuliyoipata kutokana na mbolea  isiyo na viwango tuliyopewa na kusababisha wakulima wetu wapate hasara,alisema Bw. Ponera

Alibainisha kuwa Sakata la kupatiwa mbolea isiyokuwa na viwango lina harufu ya rushwa kwa kuwa Makampuni makubwa  ya mbolea yanahonga kwa Viongozi Serikalini na kugawa mbolea isiyokuwa na viwango na hakuna hatua zozote zinazochukuliwa.

Kwa upnde wake Dkt. Ikera alisema atafuatilia  Suala hilo kwa kuwa Mamlaka yake kwa muijibu wa sheria ya mbolea ya mwaka 2009 ina uwezo wa kushtaki ikibainika mbolea isiyo na viwango imesambazwa kwa wakulima hatua zitachukuliwa ikiwemo kwa Kampuni husika kutozwa faini.

Kwa upande wake Mkufunzi Mkuu wa kilimo na Mkaguzi wa mbolea toka Wizara ya Chakula na kilimo Bi. Stella Mutagwaba alisema mbolea isipotunzwa vizuri ubora wake unaharibika na kwamba inatakiwa isichanganywe na kitu kingine hivyo wao wanaangalia madukani  na Bandarini zinatunzwaje.

Naye Mhasibu wa chama kikuu  cha Ushirika cha Songea na  Namtumbo(SONAMCU) Bw. Nurdin Ponera alisema wakulima katika Mkoa wa Ruvuma wamepata hsara kubwa kutokana na kutumia mbolea isiyokuwa na viwango.                                                                                                                                                                                                                               

Katika ukaguzi wao Dkt Ikera anasema wamegundua yafuatayo, kuwepo kwa uchakachaji wa mbolea kwa kuichanganya na na chumvi,utunzaji mbaya wa mbolea kwa kuiweka chini na juani na kwamba Wakaguzi Wasaidizi wa mbolea wa Wilaya na Mikoa wanatakiwa kuwaelimisha Mawakala kuhusu utunzaji wa mbolea.

Mwisho