VIJANA WATAKIWA KUCHUKUA FOMU ZA KUGOMBEA NAFASI NDANI YA CCM SONGEA

VIJANA WATAKIWA KUCHUKUA FOMU ZA KUGOMBEA NAFASI NDANI YA CCM SONGEA

 Na Amon Mtega ,

                                                                        Songea.

MWENYEKITI wa umoja wa vijana wa CCM- UVCCM wilaya ya Songea mjini mkoani Ruvuma Victor Ngonyani amewataka vijana waliofikisha umri wa kugombea kwenye chama hicho kuchukua form za kuwania nafasi hizo bila kuogopa ili kuongeza nguvu ndani ya chama hicho .

 Wito huo umetolewa jana na mwenyekiti huyo wakati akifunga kikao cha baraza la vijana  UVCCM mjini hapa kilicho kuwa kikipitia  majina ya wagombea wa nafasi mbalimbali  wa jumuiya hiyo toka ngazi ya kata kwa kuangalia sifa zao ili yapelekwe ngazi ya chama tayari kwa uchaguzi .

 Ngonyani alisema kuwa baraza hilo ni lamwisho kwa uongozi uliyokuwepo kwa kuwa kanuni ya chama inaeleza kuhusiana na umri wa kuitumikia jumuiya hiyo basi vijana  sasa wenyeumri wa kuvuka kanuni ya UVCCM basi ni ruksa kwenda kugombea kwenye chama .

“Vijana acheni kujenga uoga wakuchukua form za uongozi ndani ya chama kwa kuwa chama hiki kinahitaji nguvu ya vijana ili kiweze kusonga mbele kwa kuendelea kushika dola ndani ya nchi hii .

 ‘’Kama kuna mtu wa ndani ya chama chama chako anakuletea vikwazo vya kukutaka usichukue form ya kugombea uongozi basi ni heri ukagombana naye kwa kukinusuru chama kisiangamie kwa kuwa mbele ya safari mtaelewana tuu chama kikiwa kimenusurika’alisema mwenyekiti Ngonyani .

    Alisema kuwa viongozi waliyokuwepo ndani ya uongozi wa vijana ambao wanaomaliza mda wao wasisite kuendelea kutoa ushauri wa miongozo ndani ya jumuiya hiyo kwa kuwa babo wao ni viongozi wastafu .

  Aidha baadhi ya wajumbe wakichangia hoja mbalimbali baada ya kupitisha majina walisema kuwa vijana wengi wanaingiwa na uoga wa kuchukua uongozi ndani ya chama kufuatia changamoto ambazo hujitokeza,kwa baadhi ya viongozi kutowaunga mkono vijana.

                 MWISHO.

 Katibu wa Umoja wa Vijana wa CCM Wilya ya Songea Mjini Bw. Kite Mfilinge akipitia majina ya Vijana walioomba nafasai z kugombea Nafasai kwenye Kata za Wilaya hiyo.Anayefuatia ni Mwenyekiti wa Umoja huo Bw. Victor Ngonyani.

Baadhi ya vijana wakifuatila kwa makini hoja katika Kikao hicho cha mwisho kwa mwaka huu.