NYUMBA ZA KULALA WAGENI NJOMBE ZAKOSA MAJI

Hoteli  ya  Agereenment ni   miongoni  mwa  Hoteli zilizokumbwa na ukosefu wa maji .Nimepozi mbele ya Hoteli hiyo nikitafakari tatizo la ukosefu wa maji katika Mji wa  Njombe.

 Nikitafakari ni  kwa nini Hoteli nzuri kama hii ikose maji

NYUMBA ZA KULALA WAGENI NJOMBE ZAKOSA MAJI

.Wateja washindwa kupata huduma ya kuoshewa maji

.Wengine wakosa maji ya kuoga

Na Joseph Mwambije,

Njombe

NYUMBA za kulala wageni,Taasisi na nyumba nyingine za wananchi zimekumbwa na tatizo la ukosefu wa maji na kufikia hatua wateja kukosa hadi maji ya kuoga katika Mji wa Njombe kutokana na tatizo kubwa la maji lililoukumba mji huo.

Uchunguzi uliofanywa na gazeti hilli umebaini kuwa Mji huo umekumbwa na tatizo la  maji kwa mwezi mmoja sasa hali inayofanya wananchi na wageni kulalamikia tatizo hilo.

Mwandishi wa Mtandaohu u aliyetembelea nyumba ya kulala wageni ya Mwambasa na  Monica Lodge alishuhudia hali mbaya zaidi ambapo wageni waliofikia nyumba hiyo ya kulala wageni wamekuwa wakishindwa  kuoshewa nguo zao kwa madai kuwa hakuna maji.

Katika Nyumba ya kulala Wageni ya Monica hali ni mbaya zaidi ambapo wakati mwingine wateja wamekuwa wakishindwa  hata  mai  ya kuoga na kulalamikia tatizo hilo na kuitaka Serikali kushughulikia tatizo hilo haraka.

Mmoja wa wahudumu katika nyumba ya kulala wageni ya Monica ambaye hakutaka jina lake liandikwe gazetini anasema kuwa wamelazimika kuajiri Mfanyakazi kwa ajili ya kutafuta maji ambayo wanayatoa mbali toka visima mbalimbali katika mji huo.

Akizungumza na gazeti hili jana  Muhudumu huyo anasema kwa siku hiyo ya jana walikuwa wamebakiwa na lita 10 za maji pekee hivyo hata maji ya kuoga wateja wao yanakosekana.

Kwa upande wake Mkurugenzi wa Halmashauri ya Mji wa Njombe Bw. George Mkindo amethibitisha kuwepo tatizo hilo na kubainisha kuwa tatizo hilo linatokana Mji kukua  na watu kuongezeka wakati mfumo wa maji ni wa zamani. Ambapo wanawahudumia wananchi 55,000 kwa huduma ya maji.

Anasema kuwa tatizo jingine linatokana na mabadiliko ya nchi  na uharibifu wa maji na kusababisha vyanzo vya maji kukauka hali inyosababisha kuwa na tatizo kubwa la maji katika kipingi cha Kiangazi na kwamba mvua inaponyesha matatizo ya maji yanaisha.

Anasema kuwa tatizo hilo litakwisha baada ya kukamilisha Mradi mkubwa wa maji kutoka chanzo cha maji cha Hagafilo na kuunganishwa na Chemchem ya  Myenza na kwamba utaratibu unafanyika kutatua tatizo hilo  la maji haraka.

Mkurugenzi wa Halmashauri ya Mji wa Njombe Bw. George Mkindo amethibitisha  kuwepo kwa tatizo hilo na kueleza kuwa wanafanya jitihada za kulitatua.